Patxi Uriz eta Axel O´Millek
zuzendutako "Hijos de la Tierra" laburmetraian Ama Lurrari
buruzko gogoeta egitera gonbidatzen gaitu, zeinen onuragarria den
guretzat, gizakiontzat, berarekin izan dezakegun harremana, zeinen
onuragarria den berarekin, Ama Lurrarekin kontaktuan bizitzea.
Ama Lurra oinarrian dago, natura gure
oinarria, edoskitzea izan daiteken bezala, hasiera, naturala,
maitasuna, errespetua... Hori da "Nafarroan edoskitu"
kanpainarekin lortu nahi duguna hain zuzen ere.
Ama-esnea likido baino gehiago dela
jakin badakigu, bizirik dagoen ehuntzat hartzen da, proteinak,
azukreak, grasak, mineralak, bitaminak, hormonak, entzimak dituenak.
Eta ez hori bakarrik, umearen hazkuntzarako proportzio ezin hobean
daude hauek guztiak. Ez dago botika hoberik gure umeentzako!
Hain garrantzitsua da, OMS eta UNICEF
batera lan egiten duen WBAk (Amagandiko Esnearen aldeko Mundu
Aliantza) 2016ko Amagandiko Esnearen Asterako leloa "Amagandiko
esnea: garapen jasangarrirako gakoa" hartu duela. Garapen
jasangarriak orainaldian ditugun beharrak bermatzen ditu, iragana
kolokan jarri gabe, gure oinarritara bueltatzen, denborarekin ahaztu
duguna berreskuratzen, gure benetazko izaerara buelta egiten, Ama
Lurrara itzultzen...
iruzkinik ez:
Argitaratu iruzkina